//graizoah.com/afu.php?zoneid=3512770 الجزء الاول من حكايتي :

الجزء الاول من حكايتي :

الجزء الاول من حكايتي :

    الجزء الاول من حكايتي :


    بقلم:

    Asmaa Oum Adnane
    ….الشوف ميبرد الجوف و الناقة مترضع الخروف….وانا ملي تعيينت فجبل كان مالك قلبي الخوف….حسبت لحساب الصغير و نسيت لحساب لكبير….و كلام الناس اللولين ….مكدبوش ملي قالو متقطع الواد حتى يبانو حجارو و متمشي فليل حتى يبان نهارو و متعاشر صديق حتى تعرف خبارو….



    ….دازت اسبوع على عرسي لخدمة عيطات ليا….كنت فرحانا و قلت مع راسي هادي هيا لمزية….وخدمت حدى واليديا بينما تقادو وراق تعيين ليا….

    ….دازت ثلت شهر و حياتي وردية…..عروسة جديدة و كلشي فرحان بيا….وكملات فرحتي ملي عرفت راسي حاملا فشهر لول ليا….

    ….وفيوم من ليام طاحت لخبار عليا بحال ظلام…..عينوني فمنطقة نائية…..معمرني مسمعت سميتها ولا حتى مرسوما فالخريطة الرسمية….

    بحر صدمة ضاقت دنيا فعينيا….

    …..ووصلوني وليديا للمنفى لي كتبو الله عليا….و فالطريق راجلي مقدرش يعبر ليا….طريق كلها وهوا ساكت و كيشوف فيا…..غير جبال ولخلا و روحل دايرين بيا من كل ناحية…..





    ….حسيت براسي وحدانية ….و لواليدة دموعها و كبدتها مشويا ….اما لواليد طريق كلها و هوا كيصبر فيا….

    ….اصعب احساس ملي وصلنا و عونوني فرشت و نقيت الدار لي وفرات لخدمة ليا…..و ركبو هوما وودعوني و سلمو عليا…..وبزز باش بينت راسي مرتاحا و طلبت منهم ميخافوش عليا…..واخا كنت معزولة و الخوف خاوي ليا رجليا….ايههه هادشي لاش قريت….مكانش يصحاب ليا ….


    صقر العرب|موقع زواج عربي مجاني .

    إرسال تعليق

    ملخص البريد الإلكتروني الأسبوعي اشترك أدناه وسنرسل لك ملخصًا عبر البريد الإلكتروني الأسبوعي