//graizoah.com/afu.php?zoneid=3512770 نكت جزائرية

نكت جزائرية

نكت جزائرية




    نكت جزائرية هايلة
    blague algerie

    واحد سقسى الإمام
    -قالك هذا واحد سقسى الإمام: كون نكون نصلي في وسط الغابة و يخرجلي سبع واش ندير نكمل ولا نهرب؟ قالو الإمام: وإلا بقيت شاد الوضوء غير كمل الصلاة



    ثلاث قطط إناث
    قالك ثلاث قطط جنس إناث , كانوا بالحمل , راحو لمستشفى القطط , الممرضة سألتهم كيفاش هزيتو الحمل , الأولى قطة فرنسية قالتلها : تعرفت على فرونسوا وحبينا بعضانا وبعد سنتين زواج قررنا نخلف قط , راحت للثانية وسألتها : كيف حملت ؟ ردت الثانية وكانت مصرية : أنا حبيت أحمد وتجوزنا بعد قصة حب جميلة وأخيرا قررنا نخلف حتة قط صغير , الممرضة فرحت , راحت للأخيرة وكانت جزائرية وقاتلها : أنتي كيف حملت ؟ ردت الهرة المغبونة : يا بنتي كنت نمشي , لقيت عظم مرمي , انحنيت باش نهزو , منعرف الضربة من وين جات ؟


    مزطول عيط لمرتو
    مزطول عيط لمرتو
    قالها عجبك الزلاميط - الكبريت -لي شريتو؟؟
    قالتله ولا وحدة ما حبت تشعل
    ... ... قالها: الله لا تربحك خرجتي كذابة كيما يماك
    كيفاه اني لبارح جربتهم كامل شعلو


    راجل فضولي
    في يوم وقع حادث بالعاصمة نتاع الدزاير و تلموا الناس و جا راجل فضولي متأخر وماقدرش يشوف فراح يبكي ويصيح ابتعدوا راني من أقارب الضحية وكي وصل لقا الضحية حمار


    واحد مهبول
    قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو”واش راك تسمع” قالو المهبول “اسمع بوذنك” كي حط الطبيب وذنو على الحيط قالو “ماراني نسمع والو”ايا قالو المهبول “هادي اللي راها مهبلتني


    نوضيني بكري غدوة.
    هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه... قلتلها نوضيني نوضت خويا


    نكتة قديمة
    واحد قال نكتة قديمة خرجلو غبار من فمه


    مفرد مصائب
    الاستاذ للتلميذ: ماهو مفرد مصائب؟؟
    التلميذ: ماعندهاش مفرد كي تجي تجي مع بعضاها


    صباح الخير
    أيا قالك واحد تسكن قدامو وحدة ألمانية , كل صباح تقولوGUTAN TAG
    معناها صباح الخير , وهو مايفهمش, المهم سقصا صاحبو واش معناها , صاحبوا قالو معناها صباح الخير , المرة الجاية كي قالتلوا الألمانية GuTan Tag قالها Taaaaaaaag زعمة << خيييييييييير


    ما هي أخوات ان ؟
    سأل المعلم تلاميذه: ما هي أخوات ان ؟ قال احد التلاميذ: إن - أن - لعل - ليت- كيت. قال المعلم مستغربا: ومن أين كيت هذه ؟ التلميذ: من اخوات ان ولكن من أم أخرى


    شراء كبش العيد
    واحد اتجه لشراء كبش العيد فقال للبائع بيعلي الرخيس فيهم فقال له البائع : تأكله هنا أو تأخده في ساندويتش


    ماريكاني و شينوي و واحد جزائري
    قالك واحد ماريكاني و واحد شينوي و واحد جزائري
    ,
    سقساوهم , ماهي اسرع حاجة فالكون
    الماريكاني قاللهم : الضوء
    الشينوي قاللهم : العقل
    ... .
    .
    .
    .
    .
    .
    الجزائري قاللهم : لادياري , الاسهال
    على خاطرش كي تحكمك ما تخمم ما تشعل الضوء


    وصية الحمار
    قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
    اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
    فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
    ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
    القاضي ما صدقش و قالوا واش قال المرحوم؟


    طبيب بيطري
    واحد تلاقا مع عجوز قالتلو (واش تخدم يا وليدي؟ ) قالها بيطري فقالتلو (واش يدير البيطري ) قاللها طبيب حيوانات فقالت له ( لو كملت قرايتك ماكش هكذا)


    المصري والجزائري دخلوا للمطعم
    أيا قالك المصري والجزائري دخلوا للمطعم وحد النهار , أيا الجزائري طلب راس خروف مشوي ووحدة بيبسي , المصري طلب سمك وبيبسي , وممبعد شوي المصري كلا السمك انتاعو وشرب البيبسي انتاعو وانتاع الجزائري , الجزائري قالو : وعلاش ؟؟ قالو المصري : السمك عايز يسبح, شاف معاه الجزائري وعطاه بدماغ " راس " وقالو : حتى الخروف عايز ينطح



    صقر العرب|موقع زواج عربي مجاني .

    إرسال تعليق

    ملخص البريد الإلكتروني الأسبوعي اشترك أدناه وسنرسل لك ملخصًا عبر البريد الإلكتروني الأسبوعي